Mangalore City Police

100 ನೇ ಫೋನ್ ಇನ್ ವಿಶೇಷ ಕಾರ್ಯಕ್ರಮ

ಮಂಗಳೂರು ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಸಾರ್ವಜನಿಕರ ದೂರುಗಳು, ಸಲಹೆ ಮತ್ತು ಅಹವಾಲುಗಳನ್ನು ಪಡೆದುಕೊಳ್ಳುವ ದೃಷ್ಟಿಯಿಂದ ದಿನಾಂಕ 05-08-2016 ರಿಂದ ...
Read more

Daily Crime Reports : January 18, 2019

Crime Reported in Mangalore South PS

ದಿನಾಂಕ: 17-01-2019 ರಂದು ಪ್ರಕರಣದ ಪಿರ್ಯಾದಿದಾರರಾದ ಮಂಗಳೂರು ದಕ್ಷಿಣ ಪೊಲೀಸ್ ಠಾಣೆಯ ಅಪರಾಧ ವಿಭಾಗದ ಪಿಎಸ್ಐ ಮಂಜುಳಾ ಎಲ್ ರವರಿಗೆ ಮಾರ್ಗನ್ಸ್ ಗೇಟ್ ಮೈದಾನದ ಬಳಿ ಓರ್ವ ಯುವಕನು ಗಾಂಜಾ ಸೇವನೆ ಮಾಡುತ್ತಿದ್ದಾನೆ ಎಂಬುದಾಗಿ ವರ್ತಮಾನ ಬಂದಂತೆ. ಸದ್ರಿ ಸ್ಥಳಕ್ಕೆ ಬೆಳಿಗ್ಗೆ 14-25 ಗಂಟೆಗೆ ಸಿಬ್ಬಂಧಿ ಜೊತೆ ಹೋಗಿ ಗಾಂಜಾ ಸೇವನೆ ಮಾಡುತ್ತಿದ್ದ ಆರೋಪಿ ಅಬ್ದುಲ್ ರಜಾಕ್ ಪ್ರಾಯ 21 ವರ್ಷ, ತಂದೆ; ಮಹಮ್ಮದ್, ವಾಸ; ಉಳ ಬೈಲ್ ಮನೆ, ಕರಾವಳಿ ಕಾಲೇಜು ಹತ್ತಿರ, ನೀರು ಮಾರ್ಗ ಮಂಗಳೂರು ತಾಲೂಕು ಎಂಬವರನ್ನು ವಶಕ್ಕೆ ಪಡೆದುಕೊಂಡು ದೇರಳ ಕಟ್ಟೆ, ಕೆ.ಎಸ್.ಹೆಗ್ಡೆ ಮೆಡಿಕಲ್ ಕಾಲೇಜ್ ಫಾರೆನ್ಸಿಕ್ ವಿಭಾಗ ವೈದ್ಯಾಧಿಕಾರಿಯವರ ಮುಂದೆ ಹಾಜರುಪಡಿಸಿ ವೈದ್ಯಕೀಯ ತಪಾಸಣೆ ನಡೆಸಿದಾಗ, ಆರೋಪಿಯು ಗಾಂಜಾ ಸೇವನೆ ನಡೆಸಿರುವುದು ದೃಢಪಟ್ಟಿರುವುದರಿಂದ ಆರೋಪಿಯ ವಿರುದ್ದ ಪ್ರಕರಣ ದಾಖಲಿಸಿಕೊಂಡಿರುವುದಾಗಿದೆ.

Crime Reported in Mangalore Rural PS

ಮಂಗಳೂರು ನಗರ ಪೊಲೀಸ್ ಅಪರಾಧ ಪತ್ತೆ ದಳದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಪಿರ್ಯಾದುದಾರರಾದ ಹೆಚ್ಸಿ ಚಂದ್ರ ಕೆ ಮತ್ತು ಹೆಚ್ಸಿ ಶೀನಪ್ಪ ಡಿ, ಹೆಚ್ಸಿ ಚಂದ್ರಹಾಸ ಸನೀಲ್, ಹೆಚ್ಸಿ ಮಣಿರವರು ಮೇಲಾಧಿಕಾರಿಯವರ ಅದೇಶದಂತೆ ಮಂಗಳೂರು ಪೂರ್ವ ಪೊಲೀಸು ಠಾಣಾ ಪ್ರಕರಣದಲ್ಲಿ ಭಾಗಿಯಾಗಿ ತಲೆ ಮರೆಸಿಕೊಂಡ ಆರೋಪಿತ ಸಚ್ಚು @ ಜಯೇಶ್ ಎಂಬಾತನನ್ನು ವಶಕ್ಕೆ ಪಡೆಯುವರೇ ದಿನಾಂಕ 16-01-2019 ರಂದು 23-15 ಗಂಟೆಗೆ ಮಂಗಳೂರು ತಾಲೂಕು, ನೀರುಮಾರ್ಗ ಗ್ರಾಮದ ಕೆಲರಾಯಿ ಎಂಬಲ್ಲಿ ಹೋಗಿ ಆರೋಪಿ ಸಚ್ಚು @ ಜಯೇಶ್ ಎಂಬಾತನನ್ನು ವಶಕ್ಕೆ ಪಡೆದ ಸಮಯ ಸಚ್ಚು @ ಜಯೇಶ್ ಪಿರ್ಯಾದುದಾರರನ್ನು ಮತ್ತು ಪೊಲೀಸರನ್ನು ಉದ್ದೇಶಿಸಿ ಅವಾಚ್ಯವಾದ ಶಬ್ದಗಳಿಂದ ಪೊಲೀಸರು ಇಲ್ಲಿ ನನ್ನನ್ನು ಅರೆಸ್ಟ್ ಮಾಡುತ್ತಿದ್ದಾರೆ ಎಂದು ಜೋರಾಗಿ ಬೊಬ್ಬೆ ಹೊಡೆದ ಪರಿಣಾಮ, ಹೇಮಂತ್ ರೈ @ ಮುನ್ನಾ, ನಿತಿನ್ ಪಚ್ಚನಾಡಿ @ ಬೋಟಿ, ಜೀತು, ಕಿಶೋರ್ ಸನೀಲ್, ಕಿಶೋರ್ ಅಡ್ಯಾರ್, ಗಣೇಶ್ ಕೆಲರಾಯಿ, ದೇವು ಅಡ್ಯಾರ್ಪದವು (ಕಂಡಕ್ಟರ್), ನಿತೀಶ್ ನೀರುಮಾರ್ಗ, ಜೋಯಲ್ ಡಿಸೋಜಾ, ಮೋಹಿತ್ ಪೂಜಾರಿ, ಲಿಖಿತ ಪೂಜಾರಿ ಮತ್ತು ಇತರರು ಅಲ್ಲಿಗೆ ಓಡಿ ಕೊಂಡು ಮತ್ತು ಕೆಎ 19 ಸಿ 6250 ನೇ ನಂಬ್ರದ ಅಟೋ ರಿಕ್ಷಾದಲ್ಲಿ ಬಂದು ಪಿರ್ಯಾದಿದಾರರಿಗೆ ಮತ್ತು ಅವರೊಂದಿಗಿದ್ದ ಪೊಲೀಸ್ ಸಿಬ್ಬಂದಿಯವರನ್ನು ಉದ್ದೇಶಿ ಅವಾಚ್ಯ ಶಬ್ದಗಳಿಂದ ಬೈದು ನೀವು ಸಚ್ಚು @ ಜಯೇಶ್ ನ್ನು ಹೇಗೆ ಕೊಂಡು ಹೋಗುತ್ತೀರಿ, ಈತನನ್ನು ಇಲ್ಲಿಯೇ ಬಿಟ್ಟು ಹೋಗಬೇಕು, ಇಲ್ಲದಿದ್ದರೆ ನೀವು ಇಲ್ಲಿಂದ ಹೇಗೆ ಜೀವ ಸಮೇತ ಹೋಗುತ್ತೀರಿ ಎಂದು ಜೀವ ಬೆದರಿಕೆಯನ್ನು ಹಾಕಿ, ಸಚ್ಚು @ ಜಯೇಶ್ನ್ನು ವಶಕ್ಕೆ ಪಡೆಯಲು ಬಿಡದೆ ತಡೆದು, ಸರಕಾರಿ ನೌಕರನಾದ ಪಿರ್ಯಾದುದಾರರ ಮತ್ತು ಅವರೊಂದಿಗಿದ್ದ ಪೊಲೀಸರ ಸರಕಾರಿ ಕರ್ತವ್ಯಕ್ಕೆ ಅಡ್ಡಿಪಡಿಸಿರುವುದಾಗಿದೆ ಎಂಬಿತ್ಯಾದಿಯಾಗಿರುತ್ತದೆ.

Crime Reported in Cyber Crime PS

ಪಿರ್ಯಾದಿದಾರರು ದಿನಾಂಕ 10-01-2019ರಂದು watchclues ವೆಬ್ಸೈಟ್ನಲ್ಲಿ 3 watch ಗೆ order ಮಾಡಿದ್ದು, ದಿನಾಂಕ 16-01-2019ರಂದು ಅವರಿಗೆ 3 watch ಡೆಲಿವರಿ ಆಗಿರುತ್ತದೆ. ಆದರೆ ಪಿರ್ಯಾದಿದಾರರು ಆರ್ಡರ್ ಮಾಡಿದ 3 watch ಹಾಗೂ ಅವರಿಗೆ ಡೆಲಿವರಿಯಾದ 3 watch ಬೇರೆ ಯಾಗಿದ್ದು, ಇದನ್ನು ಹಿಂತಿರುಗಿಸುವರೇ ಪಿರ್ಯದಿದಾರರು watchclues ಕಸ್ಟಮರ್ ಕೇರ್ ಹೆಲ್ಪ್ ಲೈನ್ಗೆ ಕರೆ ಮಾಡಿದಾಗ ಕರೆ ಸ್ವೀಕರಿಸಿದ ವ್ಯಕ್ತಿಯು ಹಣವನ್ನು ಹಿಂತಿರುಗಿಸಲು ಪಿರ್ಯಾದಿದಾರರ ಬ್ಯಾಂಕ್ ವಿವರ ಕೋರಿದ್ದು, ಇವರನ್ನು ನಂಬಿದ ಪಿರ್ಯದಿದಾರರು ಬ್ಯಾಂಕ್ ವಿವರ ನೀಡಿರುತ್ತಾರೆ. ಆ ಕೂಡಲೇ ಅವರ ಅಕೌಂಟ್ನಿಂದ ರೂ. 1,00,000/- ಹಣ ಹಂತ ಹಂತವಾಗಿ ಡೆಬಿಟ್ ಆಗಿರುತ್ತದೆ. ಈ ರೀತಿ ಕರೆ ಸ್ವೀಕರಿಸಿದ ವ್ಯಕ್ತಿಯು ಪಿರ್ಯಾದಿದಾರರ ಅಕೌಂಟ್ನ್ನು ಹ್ಯಾಕ್ ಮಾಡಿ. ಮೋಸಮಾಡಿರುವುದಾಗಿದೆ ಎಂಬಿತ್ಯಾದಿಯಾಗಿದೆ.